Një person është gjetur pa shenja jete sot rreth orës 20:00 në rrugën “Agim Ramadani” në kryeqytet.
Lajmin e ka konfirmuar zëdhënësja e Policisë për rajonin e Prishtinës, Flora Ahmeti.
Ahmeti ka bërë të ditur se pas marrjes së informatës, policia ka dalë në vendin e ngjarjes, ku janë ftuar edhe mjekët emergjentë, të cilët kanë konstatuar vdekjen e viktimës, mashkull.
Policia po punon në sqarimin e rrethanave të rastit.
