Pasi u kritikuan për heshtjen e tyre të papranueshme, Presidenti i Këshillit Evropian António Costa dhe Presidentja e Komisionit Evropian Ursula von der Leyen folën këtë mëngjes në lidhje me funeralin e kriminelit Ratko Mladić , duke e quajtur pamjet nga Beogradi që u bënë virale “tronditëse”.
“Pamjet e funeralit të djeshëm të Ratko Mladić në Beograd ishin tronditëse. Ratko Mladić ishte një kriminel lufte i dënuar. Ai ishte përgjegjës për gjenocid, krime lufte dhe krime kundër njerëzimit. Ai vdiq ndërsa vuante dënimin me burgim të përjetshëm për gjenocidin në Srebrenicë dhe krime të tjera. Elementet e mbështetjes zyrtare dhe prania e disa zyrtarëve të lartë serbë në funeral janë thellësisht për të ardhur keq. Kjo përfaqëson një dështim për t’u përballur me një kapitull të errët në historinë e kohëve të fundit evropiane dhe është në kundërshtim me vlerat që e udhëheqin Serbinë drejt Bashkimit Evropian”, thanë udhëheqësit e BE-së në një mesazh të postuar në mediat sociale në të njëjtën kohë.
