Disa tërmete kanë goditur zonën përreth malit Etna në ishullin italian të Siçilisë, ku më i forti ka qenë 4.5 ballë sipas shkallës Rihter, tha të mërkurën Instituti Kombëtar i Gjeofizikës dhe Vullkanologjisë i Italisë, por nuk u raportuan dëme të mëdha.
Sipas raportimeve fillestare, nuk pati dëme të mëdha, por disa shkolla u mbyllën si masë paraprake.
Etna është vullkani më i madh aktiv në Evropë, me një lartësi mbi 3,300 metra.Tërmeti më i fortë ndodhi pak pas orës shtatë të mëngjesit dhe u ndje edhe në qytetin e Katanias në rrëzë të vullkanit, ku jetojnë 300,000 njerëz.Kryebashkiaku Enrico Trantino urdhëroi mbylljen e përkohshme të shkollave. Mësimet u anuluan edhe në vende të tjera. Megjithatë, aeroporti i qytetit mbeti i hapur.
Tërmetet janë të zakonshme në Siçili, dhe Etna shpërthen rregullisht dhe është nën mbikëqyrje të vazhdueshme. Shpërthimet zakonisht janë spektakolare dhe tërheqin shumë vëzhgues.
