Policia e Kosovës sot në orët e para të mëngjesit ka arrestuar dy persona të dyshuar për vrasjen që ka ndodhur dje në Fushë Kosovë.
Dy të arrestuarit A.M., 26 vjeç dhe L.B., po ashtu 26 vjeç dyshohen për kryerjen e veprës penale “Vrasje”.
Policia ka sekuestruar edhe një armë të ftohtë, thikë, që dyshohet të jetë përdorur në rast.
Pas intervistimit, personave të arrestuar me vendim të prokurorit të shtetit, u është shqiptuar masa e ndalimit prej 48 orësh.
Bëhet e ditrur se rasti kishte ndodhur dje më 12 shkurt 2023, kur rreth orës 22:00 zyrtarët policorë kishin marrë informatën për një lëndim të rëndë trupor.
Siç është njoftuar, menjëherë në vendin e ngjarjes kishin dalë njësitet e nevojshme policore.
Personi i lënduar, A.H, 41 vjeç, ishte dërguar për tretman mjekësor, në QKUK.
Nga aty, Policia thotë se është njoftuar që personi i lënduar nuk ka arritur që t’i përballojë plagët dhe ka vdekur.
