Franca ka marrë në dijeni vendimin e Dhomave të Specializuara të Kosovës në çështjen ndaj Hashim Thaçit dhe të tjerëve, duke theksuar se aktgjykimi mund të apelohet.
Në një deklaratë të zëdhënësit të Ministrisë për Evropën dhe Punët e Jashtme të Francës, thuhet se ky vendim shënon përfundimin e proceseve gjyqësore në shkallën e parë para Dhomave të Specializuara, përveç rasteve që lidhen me pengimin e administrimit të drejtësisë.
Franca ka rikonfirmuar mbështetjen e saj për Dhomat e Specializuara të Kosovës dhe angazhimin në luftën kundër pandëshkueshmërisë.
“Franca rikujton gjithashtu mbështetjen e saj të vazhdueshme për pavarësinë e Kosovës dhe institucionet e saj”, thuhet në deklaratën e publikuar më 16 shtator 2026.
