Patëllxhanët me mish qengji të grirë dhe fara pishe janë një kombinim i ëndrrave. Një pjatë e lehtë dhe elegante që mund të shijohet edhe në tryezën e darkës së së dielës.
- 1,200 g patëllxhanë
- 500 g shpatull qengji të grirë
- 2 qepë të thata, të grira
- 50 g fara pishe
- 20 g majdanoz, i grirë
- 30 g paste domatesh
- 1½ lugë çaji kumin
- 1 lugë çaji pluhur kanelle
- 2 domate, të prera hollë
- 90 ml vaj ulliri
- kripë, piper i sapobluar
Procedura
- Për të bërë patëllxhanë të pjekur të mbushur me mish qengji të grirë, ngrohni më parë furrën në 220°C.
- Pastaj, shtroni një tepsi pjekjeje me letër pergameni.
- Pritini patëllxhanët përgjysmë për së gjati dhe bëjini një prerje tërthore në tul.
- Lyejini me gjysmën e vajit. Kriposini dhe piperosini.
- Vendosini në tepsi me anën e prerë poshtë dhe piqini për 25 minuta.
- Në një tigan, ngrohni vajin e ullirit të mbetur në zjarr mesatar.
- Skuqni qepët, mishin e grirë, farat e pishës, majdanozin, pastën e majdanozit dhe gjysmën e sasisë së erëzave për rreth 10 minuta.
- Në një tas, përzieni erëzat e mbetura me 150 ml ujë.
- Nxirrni patëllxhanët nga furra, kthejini me anën e prerë lart.
- Shtypni pikën ku i kemi prerë me një lugë për të formuar një zgavër dhe shpërndani mishin e grirë atje.
- Hidhni ujin me erëzat në tigan.
- Vendosni 2 feta domatesh mbi çdo patëllxhan. Kriposni dhe piperosni.
- Mbulojeni me letër alumini dhe piqeni për 1 orë e 15 minuta.
