Kryeministri i Kosovës, Albin Kurti, nga Kazerma Adem Jashari – Prishtinë, Kosovë, në 28-vjetorin e Epopeja e Ushtrisë Çlirimtare të Kosovës, ka deklaruar se kjo ngjarje përfaqëson traditën më të rëndësishme të rezistencës shqiptare për liri gjatë shekullit të kaluar.
Ai tha se populli e ka Ushtriinë Çlirimtare të Kosovës dhe UÇK-ja e ka epopenë e saj, e cila, sipas tij, u ndërtua mbi rezistencën e armatosur dhe sakrificën e familja Jashari në 5, 6 dhe 7 mars 1998.
“Në historinë moderne të Kosovës Epopeja e UÇK-së paraqet traditën përmes së cilës i referohemi ngjarjes më përcaktuese në rrugën e betejave për liri”, tha Kurti.
Kryeministri theksoi se sot Forca e Sigurisë së Kosovës po rreshtohet me ushtritë e NATO dhe po merr pjesë në misione paqeruajtëse ndërkombëtare.
“Përpara nesh janë rreshtuar kuadratet e Ushtrisë së Kosovës, ashtu siç duhet t’i ketë ëndërruar Adem Jashari”, tha ai, duke shtuar se zhvillimi i FSK-së është rezultat i investimeve në armatim, trajnime dhe infrastrukturë ushtarake.
Osmani nga kazerma ‘Adem Jashari’: FSK-ja bart idealin e lirisë
Presidentja e Kosovës, Vjosa Osmani, nga kazerma “Adem Jashari” në Prishtinë, në 28-vjetorin e Epopeja e Ushtrisë Çlirimtare të Kosovës, ka deklaruar se Forca e Sigurisë së Kosovës është trashëgimtare e Ushtria Çlirimtare e Kosovës.
Ajo tha se UÇK-ja ishte zëri i një populli të shtypur dhe organizimi i guximit dhe shpresës kundër padrejtësisë.
“Epopeja e marsit ’98 është dëshmi se liria fitohet me sakrificë, me unitet dhe me besim në të drejtën tonë për të jetuar të lirë”, tha Osmani.
Presidentja theksoi se sot krenaria e vendit marshon “me uniformë moderne, me profesionalizëm të lartë dhe me përkushtim të palëkundur ndaj Republikës sonë”, duke shtuar se FSK-ja është e gatshme për të përballuar çdo sfidë.
Osmani përkujtoi edhe komandantin legjendar Adem Jashari dhe familja Jashari, duke theksuar se ata “nuk zgjodhën rrugën e lehtë, por zgjodhën sakrificën dhe përjetësinë”.
Kuadratet e FSK-së rreshtohen për nder të Epopesë së UÇK-së
Me rastin e shënimit të Epopesë së UÇK-së, Forca e Sigurisë së Kosovës (FSK) ka rreshtuar kuadratet e saj në Kazermën “Adem Jashari”, në Prishtinë.
Në ceremoninë zyrtare po marrin pjesë krerët e shtetit: presidentja e Kosovës Vjosa Osmani, kryetarja e Kuvendit Albulena Haxhiu dhe kryeministri i Kosovës Albin Kurti.
