Instituti Hidrometeorologjik i Kosovës (IHMK) ka njoftuar se moti gjatë ditës së ardhshme do të jetë kryesisht i vranët, me intervale të herëpashershme me diell.
Sipas parashikimit të IHMK-së, temperaturat minimale do të lëvizin nga 4 deri në 6 gradë Celsius, ndërsa temperaturat maksimale pritet të arrijnë nga 10 deri në 14 gradë Celsius.
Era do të fryjë nga drejtimi i veriperëndimit, me shpejtësi prej 1 deri në 4 metra në sekondë.
