Vizita e Zevendeskryeministrit dhe ministrit te Puneve te Brendshme te serbise ne Moske Ivica Daçiçit në Moskë dhe takimet e tij me figura kyçe të aparatit shtetëror e të sigurisë ruse (si Dmitry Medvedev, Sergei Shoigu, Sergei Lavrov, Alexander Kurenkov dhe Dmitry Kochnev) dëshmojnë përpjekjet e vazhdueshme të Beogradit për të ruajtur dhe intensifikuar partneritetin strategjik me Rusinë, pavarësisht kursit te proklamuar properendimore. Diskutimet u fokusuan te ruajtja e një politike të jashtme të pavarur, kundërshtimi i sanksioneve ndaj Moskës dhe mbrojtja e interesave kombëtare të Serbisë përmes mbështetjes së ndërsjellë në arenën ndërkombëtare.
Bashkëpunimi në fushën e sigurisë dhe emergjencave
Në rrafshin operacional, vizita solli hapa konkretë bashkëpunimi, veçanërisht në fushën e punëve të brendshme dhe mbrojtjes civile. Një ndër pikat më të spikatura ishte nisma për stacionimin parandalues të avionit zjarrfikës rus Ilyushin 76 në Qendrën Humanitare Serbo-Ruse në Nish duke filluar nga viti i ardhshëm, për të ndihmuar në përballimin e emergjencave dhe zjarreve në rajon. Gjithashtu, u ritheksua bashkëpunimi i ngushtë policor dhe trajnimet e përbashkëta kundër krimit të organizuar dhe terrorizmit.
Gjatë intervistave dhe takimeve, Daçiç theksoi se Kosova mbetet çështja qendrore dhe se Serbia nuk do të pranojë kurrë kushtet e Brukselit që nënkuptojnë njohjen e pavarësisë së Kosovës apo vendosjen e sanksioneve ndaj Rusisë. Nga ana e tyre, zyrtarët rusë (veçanërisht Shoigu dhe Lavrov) rikonfirmuan mbështetjen e palëkundur të Moskës për integritetin territorial të Serbisë dhe Rezolutën 1244 të Këshillit të Sigurimit të OKB-së.
Konteksti zgjedhor dhe mesazhet politike
Vizita u zhvillua gjithashtu në sfondin e zhvillimeve politike të brendshme dhe zgjedhjeve të ardhshme në Serbi. Udhëheqësit rusë i uruan suksese koalicionit qeverisës dhe forcave tradicionale pro-ruse, ndërsa Daçiç përsëriti se orientimi i tij politik mbetet i pandryshuar, duke u pozicionuar qartë si një zë tradicionalisht pro-rus brenda skenës politike serbe.
