residenti turk, Recep Tayyip Erdogan, zhvilloi sot një bisedë telefonike me homologun e tij amerikan , Donald Trump , njoftoi presidenca turke. Të dy udhëheqësit diskutuan marrëdhëniet dypalëshe midis Turqisë dhe SHBA-së , si dhe zhvillimet rajonale dhe globale.
Erdogan shprehu besimin e tij se bashkëpunimi midis Turqisë dhe SHBA-së do të vazhdojë të rritet, duke theksuar se ata do të punojnë për t’i dhënë një shtysë të re marrëdhënieve dypalëshe.
Presidenti turk, duke vënë në dukje se tensioni midis Iranit dhe SHBA-së duhet të marrë fund dhe problemet të zgjidhen përmes diplomacisë, theksoi se Turqia do të vazhdojë të bëjë përpjekje për paqe.
Në të njëjtën kohë, ai shprehu shpresën se përpjekjet e intensifikuara diplomatike për t’i dhënë fund luftës në Ukrainë do të japin rezultate pozitive. Ai shtoi se Turqia do të vazhdojë të kontribuojë në nismat përkatëse, duke nënvizuar rëndësinë e intensifikimit të kontakteve si me Ukrainën ashtu edhe me Rusinë.
