Policia e Kosovës ka arrestuar një person të dyshuar për përfshirje në 14 raste të vjedhjeve të rënda në Prishtinë.
Sipas njoftimit të policisë, arrestimi është realizuar nga Sektori i Hetimeve të Kryeqytetit, pas një pune intensive hetimore dhe operacionale.
I arrestuari është R.I., mashkull dhe shtetas i Republikës së Kosovës.
Pas intervistimit, në koordinim me Prokurorin e Shtetit, i dyshuari është dërguar në mbajtje.
Policia nuk ka dhënë detaje të tjera lidhur me rastet për të cilat dyshohet i arrestuari.
