Në kuadër të Forumit të Paqes në Paris është lansuar Samiti i Fëmijëve, ku Republika e Kosovës i është bashkuar Deklaratës Politike për mbrojtjen e mirëqenies dhe të ardhmes së gjeneratave të reja.
Kryeministri Albin Kurti ka thënë se arsimimi dhe shëndeti i fëmijëve, përfshirë shëndetin mendor dhe psikosocial, janë jetikë, veçanërisht në kohën kur shoqëritë po përballen me sfidat e teknologjive të reja dhe qëndrimin e gjatë para ekraneve.
“Në kuadër të Forumit të Paqes në Paris u lansua Samiti i Fëmijëve, dhe si Republikë e Kosovës iu bashkuam Deklaratës Politike, me qëllim mbrojtjen e mirëqenies dhe të ardhmes së gjeneratave të reja. Arsimimi dhe shëndeti i fëmijëve, përfshirë ai mendor e psikosocial, teksa po sfidohemi nga teknologjitë e reja dhe kalojmë kohë të gjatë në ekrane, janë jetikë”, ka shkruar ai.
