Ezequiel Bacher nuk do të kishte dashur të shihte momentin kulmor të përballjes së Comunicaciones me Arsenalin në kuadër të playoff-it të Primera B.
Portieri 30-vjeçar e kishte marrë topin nga një krosim i dobët dhe u përpoq ta vinte ekipin e tij në lëvizje.
Lojtarët e të dyja skuadrave kishin dalë nga zona e penalltisë ndërsa Bacher përpiqej ta çonte topin në fushë.
Megjithatë, portieri bëri një gabim të habitshëm teksa u përpoq t’ia hidhte topin njërit prej shokëve të tij të skuadrës.
Në vend që topi të shkonte te një prej lojtarëve të tij, ai nuk e lëshoi në kohën e duhur dhe e hodhi në rrjetën e tij.
Momenti është bërë viral në rrjetet sociale, duke i lënë fansat të habitur nga gafën e çuditshme.
Njëri postoi: “Është absolutisht skandaloze.”
Një i dytë komentoi: “Gjëja më idiote e vitit.”
Një i tretë shkroi: “Autogoli më i çuditshëm i të gjitha kohërave.”
Një i katërt tha: “Si ia del ta bësh këtë?”
Një tjetër shtoi: “Ka ende shpresë për mua nëse kjo është cilësia.”
Goli i dha një epërsi tronditëse Arsenalit dhe sulmuesi i tyre Franco Luca e festoi momentin sikur të kishte qenë ai që shënoi.
Comunicaciones arritën të barazonin rezultatin, por mbetën përsëri në disavantazh tre minuta më vonë.
Matias Sosa e bëri rezultatin 3-1 para përfundimit të pjesës së parë, përpara se Joaquin Ibanez i Comunicaciones ta bënte rezultatin 3-2.
Bacher shpreson të mos e përsërisë gabimin e tij në ndeshjen e kthimit kundër Arsenalit javën e ardhshme.
