Arbnor Morina nuk do të jetë më trajner te Ferizaj. Klubi ka njoftuar për dorëheqjen e tij me anë të një komunikate.
“Pas takimit të sotëm kundër Gjilanit, kam njoftuar kryesinë e klubit që nuk do të jem më trajner i ekipit sepse mendoj që diçka duhet të ndryshohet që ekipi të ec përpara, me idenë se klubi është më I madh se secili individ. Periudha e kaluar në Ferizaj, është një periudhë shumë e këndshme për mua në bashkëpunim me njerëz punëtorë dhe të sinqertë, mirëpo klubi ka nevojë për një infuzion që të vazhdoj rrugëtimin aty ku e ka cakun. Këtë vendim e kam marr pasi që prej xhiros së parë kemi qenë ekip, i cili kemi tregu futboll të mirë, kemi shënu por nuk kemi mundur të mbajmë rezultatin. Besoj se reflektimi im do të ia kthej FC Ferizajt ditët që i kemi kaluar në ligën e parë”, ka thënë ai. “Faleminderit të gjithëve në klub për bashkëpunim dhe dëshiroj që FC Ferizaj të arrijë atje ku i ka synimet kryesia e klubit”.
Ferizaj nuk ka arritur të ketë performansë pozitive në Superligë, ndryshe nga Liga e Parë. Klubi nga qyteti me të njëjtin emër sot barazoi ndaj Gjilanit me rezultat 1-1. Ferizaj aktualisht gjendet në fund të tabelës.
