Kuvendi i Kosovës i është rikthyer punimeve në seancën e jashtëzakonshme, pas pauzës, ku po vazhdon diskutimi për rritjen e çmimit të naftës, por aty nuk janë rikthyer edhe deputetët e Lëvizjes Vetëvendosje.
Deputetët opozitarë drejtuan kritika karshi partisë në pushtet, duke thënë se asnjë deputet e asnjë ministër i kabinetit nuk është prezent kur po vazhdon diskutimi për një temë, që siç thanë, po rëndon qytetarët.
Ndërkohë, në pjesën e parë të diskutimeve në këtë seancë të jashtëzakonshme të thirrur nga LDK-ja me mbështetje të partive tjera opozitare pati replika e kundër replika mes pushtetit e opozitës sa i përket temës që po trajtohet aty.
