Ka vdekur gruaja, e cila u raportua si e plagosur me armë zjarri pasditen e sotme në Istog.
Lajmin për vdekjen e saj e konfirmoi Spitali Rajonal në Pejë.
“Menjëherë pas pranimit, ekipet kujdestare, të përkrahura edhe nga ekipet e gatishmërisë, kanë ndërmarrë të gjitha veprimet e nevojshme mjekësore dhe reanimuese, duke u përpjekur maksimalisht për t’i shpëtuar jetën pacientes. Përkundër angazhimit intensiv dhe profesional të stafit shëndetësor, fatkeqësisht pacientja nuk ka arritur t’u mbijetojë plagëve të marra”, thuhet në njoftimin e spitalit.
Plagoset me armë zjarri një grua në Istog
Një grua është plagosur me armë zjarri pasditen e sotme në Istog.
Rasti ka ndodhur rreth orës 16:00, ndërsa Policia është njoftuar nga emergjenca për rastin.
E plagosura është dërguar në Spitalin Rajonal në Pejë për tretman mjekësor.
Lajmin për RTKlive e ka konfirmuar zëdhënësi i Policisë për rajonin e Pejës, Driton Rugova.
“Sot rreth orës 16:00, Policia është njoftuar nga emergjenca në Istog se një person është plagosur me armë zjarri, e njëjta është dërguar në Spitalin Rajonal në Pejë, për tretman mjekësor”, ka deklaruar Rugova.
