Gjykata Themelore në Mitrovicë ka dënuar me dy vite burgim të pandehurin që i ka shkaktuar dhunë fizike bashkëshortes së tij.
Departamenti i Përgjithshëm përkatësisht Divizioni Penal, me gjyqtaren e vetme gjykuese Marigona Lajqi, shpalli aktgjykimin dënues ndaj të pandehurit M.K., i cili aktualisht ndodhet në Qendrën e Paraburgimit në Mitrovicë.
“Sipas aktakuzës, ngjarja ka ndodhur më datë 10.11.2025, në banesën e përbashkët familjare në Mitrovicë – Veri. Pas një mosmarrëveshjeje verbale mes bashkëshortëve, i pandehuri ka kanosur të dëmtuarën dhe ka ushtruar dhunë fizike ndaj saj, duke i shkaktuar lëndime të lehta trupore, si dhe frikë dhe shqetësim të madh emocional”, thuhet në njoftimin e gjykatës.
I pandehuri është shpallur fajtor për veprën penale “Lëndim i lehtë trupor”.
https://www.facebook.com/gjthmitrovice/posts/926916059713921?ref=embed_post
