Vëllai i Jeffrey Epstein pretendon se një raport i ri do të vërtetojë se ish-financieri është vrarë.Duke folur në emisionin e Piers Morgan, Mark Epstein e ndërpreu intervistën me zemërim kur prezantuesi e pyeti për viktimat e vëllait të tij.
Epstein tha se tani beson “edhe më shumë” se vëllai i tij është vrarë, duke shtuar se “një ekip patologësh po studion aktualisht gjetjet e autopsisë që duhej të ishin bërë që në fillim”.
“Ata po finalizojnë dhe po përpilojnë një raport që do të publikohet së shpejti dhe është rishikuar nga kolegët. Ai citon një numër arsyesh që tregojnë se nuk mund të ketë qenë vetëvrasje, siç po pretendohet”, tha ai.
Marku, i cili merret me pasuri të paluajtshme, përfundoi:
“Kjo do të tregojë pa mëdyshje se nuk ishte vetëvrasje… dhe pastaj lind pyetja se kush e vrau dhe kush e urdhëroi vrasjen”, tha ai.
Duke folur për zhdukjen e pamjeve të sigurisë nga burgu i Qendrës Korrektuese Metropolitan të Nju Jorkut, ku Epstein u gjet i vdekur në vitin 2019, si dhe për fshehjen dhe censurimin e dyshuar të dokumenteve zyrtare, Mark pyeti veten:”Pse të gjitha këto lojëra? Pse e gjithë kjo ngatërrim? Thjesht nuk ka kuptim.”
Kur prezantuesi e pyeti për viktimat e vëllait të tij dhe nëse dinte çfarë po bënte pedofili para vdekjes së tij, ai i hodhi poshtë pyetjet me agresivitet.
“Sinqerisht, për fat të keq, nuk më intereson fare. Jam thjesht i shqetësuar se vëllai im, kushdo dhe çfarëdo që të jetë, u vra. Ky është shqetësimi im”, tha Marku.
Pasi këmbënguli që të komentonte më tej për viktimat, Marku tha: “Këto janë çështje në të cilat nuk merrem. Kalofshi një ditë të mbarë”, përpara se ta mbyllte papritur telefonin.
Marku deklaroi gjithashtu se nuk kishte asnjë ide për krimet që kreu vëllai i tij para vdekjes së tij:
“Shumë nga ato që dolën më habitën. Nuk isha në dijeni të këtyre gjërave”, tha ai.
