Një incident ndodhi në qytetin amerikan të Omahas kur një vrimë u formua në një rrugë lokale dhe “gëlltiti” dy makina.
Kjo situatë u regjistrua nga një kamera publike e Universitetit të Nebraskës-Omaha dhe automjetet u nxorën shpejt nga gropa.
Për fat të mirë, askush nuk u lëndua në këtë incident të pazakontë.
Autoritetet lokale kanë njoftuar se rruga do të mbyllet për disa ditë për shkak të kësaj vrime, dhe kanë frikë se ajo do të zgjerohet.
Një problem shtesë u krijua nga fakti se tubat e ujit ndodhen pikërisht nën rrugë, dhe njëri prej tyre shpërtheu kur makinat ranë në gropë.
