Presidenti i SHBA-së, Donald Trump, u bëri thirrje sot anëtarëve të Korpusit të Gardës Revolucionare Islamike, forcave të armatosura të Iranit, të dorëzojnë armët, duke premtuar se në këmbim do t’u jepet imunitet. Opsioni i dytë, sipas Trump, është “vdekja e sigurt”. Trump tha se Shtetet e Bashkuara kishin filluar “operacione të mëdha luftarake” në Iran, duke paralajmëruar se mund të ketë viktima amerikane.
Sulmet, të cilat Trump pretendon se synojnë shkatërrimin e raketave iraniane dhe marinës së saj, pasuan paralajmërimet e përsëritura SHBA-Izrael se do ta sulmonin përsëri Iranin nëse vendi do të vazhdonte me programet e tij bërthamore dhe balistike të raketave.
“Nuk e bëj këtë deklaratë lehtë. Regjimi iranian dëshiron të vrasë”, tha Trump në një video të ndarë në rrjetin e tij social Truth Social. “Jetët e heronjve të guximshëm amerikanë mund të humbasin dhe mund të ketë viktima që janë të zakonshme në luftë, por ne po e bëjmë këtë, jo për momentin. Po e bëjmë për të ardhmen dhe është një mision fisnik”, tha Trump.”Ata kanë refuzuar çdo mundësi për të hequr dorë nga ambiciet e tyre bërthamore”
Uashingtoni dhe Teherani kanë zhvilluar një sërë bisedimesh në javët e fundit rreth ambicieve bërthamore të Iranit. E fundit u zhvillua pardje pa një marrëveshje.
“Irani ka refuzuar, ashtu siç ka refuzuar për dekada të tëra. Ata kanë refuzuar çdo mundësi për të hequr dorë nga ambiciet e tyre bërthamore dhe ne nuk mund ta durojmë më këtë”, vuri në dukje Trump.
