Shtabi i Përgjithshëm i Forcave të Armatosura të Iranit lëshoi një deklaratë duke mohuar pretendimet se një raketë u qëllua drejt Turqisë, pasi autoritetet turke njoftuan dje se forcat mbrojtëse të NATO-s e qëlluan raketën ndërsa ajo hyri në hapësirën e tyre ajrore.”Forcat e armatosura të Republikës Islamike të Iranit respektojnë sovranitetin e vendit fqinj dhe mik të Turqisë dhe mohojnë çdo lëshim raketash drejt territorit të atij vendi”, thuhet në një deklaratë të publikuar nga agjencia iraniane e lajmeve Mehr.
Sipas Ministrisë së Mbrojtjes Turke, raketa kaloi mbi Irakun dhe Sirinë përpara se t’i afrohej hapësirës ajrore turke, ku u interceptua nga forcat e NATO-s.U theksua se nuk pati viktima dhe se incidenti përfundoi pa dëme në infrastrukturë.
Presidenti Rexhep Tajip Erdogan tha dje se Turqia po “merr të gjitha masat e nevojshme paraprake” në koordinim me aleatët e NATO-s dhe po lëshon paralajmërimet më të qarta për të parandaluar që incidente të ngjashme të ndodhin përsëri.
Agjencia e lajmeve Reuters publikoi dje një foto që, sipas saj, tregon mbetjet e një sistemi mbrojtës ajror të NATO-s që ka kapur një raketë të lëshuar nga Irani në Dortyol, provinca jugore Hatay.
