Në ditën e tetë të sulmit SHBA-Izrael, një valë e re sulmesh u nis në kryeqytetin iranian Teheran herët në mëngjes të shtunën dhe ushtria izraelite njoftoi se kjo ishte një përgjigje ndaj raketave iraniane që po dërgoheshin drejt Izraelit.
“IDF nisi një sulm në shkallë të gjerë ndaj objektivave në Teheran”, njoftoi ushtria izraelite, duke shtuar se mbrojtja e saj kapi raketat iraniane.
Në javën e luftës në Lindjen e Mesme, çmimet e naftës në tregun botëror janë rritur me 30 përqind, duke arritur nivele të papara që nga viti 2023.
Garda Revolucionare e Iranit sulmoi forcat amerikane, njoftuan mediat shtetërore në Iran.
Sulmi kishte për qëllim forcat amerikane në bazën Jufair në Bahrein dhe dyshohet se u krye në hakmarrje për sulmin amerikan në ishullin iranian Qeshm.
Ministri i Jashtëm i Iranit tha se furnizimi me ujë u ndërpre në 30 fshatra pasi u godit një impiant desalinimi që shndërron ujin e detit në ujë të pijshëm.
