Kryetarja e Kuvendit të Kosovës, Albulena Haxhiu, ka uruar mësimdhënësit me rastin e 7 marsit Ditës së Mësuesit, duke shprehur mirënjohje për kontributin e tyre në edukimin dhe formimin e brezave të rinj.
Në një postim në Facebook, ajo ka theksuar rolin e rëndësishëm që kanë mësuesit në shoqëri, duke vlerësuar përkushtimin e tyre të përditshëm në transmetimin e dijes dhe formimin e qytetarëve të ardhshëm.
Tutje ajo ka thënë se në duart e mësimdhënësve fillon rruga e çdo fëmije drejt dijes, qytetarisë dhe ndërtimit të së ardhmes së vendit.
“Me përkushtimin e tyre të përditshëm, mësuesit formojnë brezat që do ta zhvillojnë Republikën tonë”,ka shkruar Haxhiu.
