Presidenti i SHBA-së, Donald Trump, foli në telefon me gazetarin e CBS News, Weijia Jiang, dhe tha se lufta kundër Iranit mund të përfundojë së shpejti dhe se ai po mendon të “marrë kontrollin” e Ngushticës së Hormuzit.
“Mendoj se lufta praktikisht ka mbaruar, për pjesën më të madhe. Ata nuk kanë marinë, as komunikime, as forcë ajrore”, tha Trump Jiang, duke shtuar se Shtetet e Bashkuara janë “shumë larg” nga afati kohor i tij fillestar i vlerësuar prej 4-5 javësh.
I pyetur në lidhje me udhëheqësin e ri suprem të Iranit, Mojtaba Khamenei, të cilin Trump e ka kritikuar hapur më parë, ai tha: “Nuk kam asnjë mesazh për të. Asnjë mesazh fare.”
Trump tha se kishte në mendje dikë që mund të zëvendësonte Khamenein, por nuk donte të jepte detaje.
Lidhur me Ngushticën e Hormuzit, Trump deklaroi se anijet aktualisht po kalojnë nëpër të, por se ai po “mendon ta marrë atë nën kontroll”.
“Ata kanë shkarkuar gjithçka që kanë për të shkarkuar dhe më mirë të mos provojnë asgjë të fshehtë, sepse ky do të jetë fundi i atij vendi”, tha Trump.
Kur u pyet nëse mendonte që lufta mund të mbaronte së shpejti, presidenti u përgjigj: “Fundi është vetëm në mendjen time, e askujt tjetër.”
