Sekretari i Luftës i SHBA-së, Pete Hegseth, deklaroi se Shtetet e Bashkuara deri më tani kanë kryer më shumë se 7,000 sulme ajrore në territorin e Iranit dhe infrastrukturën e tij ushtarake, duke theksuar se, siç tha ai, ishte “forcë dërrmuese e aplikuar me precizion”.
Ai shtoi se “paketa më e madhe e sulmeve deri më tani” pritet sot, duke theksuar se aftësitë ushtarake amerikane po forcohen vazhdimisht, ndërsa, sipas tij, ato të Iranit po dobësohen në të njëjtën kohë.
“Ne i gjurmojmë dhe i qëllojmë, vdekja dhe shkatërrimi vijnë nga ajri”, tha Hegseth.
Në vazhdim të fjalimit, ai deklaroi se SHBA-të arritën një fitore vendimtare “me kushtet e veta” dhe akuzoi Iranin se ka investuar burime shtetërore në infrastrukturën ushtarake në vend të nevojave të popullsisë për dekada të tëra.
“Irani është një vend i madh, por siç ishte rasti me Hamasin dhe tunelet e tyre, ata i drejtuan fondet për raketa, dronë dhe objekte të fshehura, jo për zhvillim dhe ndihmë për qytetarët”, tha ai.Ai theksoi se ushtria amerikane, pretendon ai, vepron “metodikisht, pa mëshirë dhe në mënyrë dërrmuese, në një mënyrë që asnjë ushtri tjetër në botë nuk mundet”, duke shtuar se “rezultatet flasin vetë”.
Hegseth pranoi se Irani ende ka aftësinë për t’u hakmarrë, por argumentoi se këto aftësi janë dukshëm të kufizuara.
“Ata do të vazhdojnë të qëllojnë, e dimë këtë. Por do të qëllonin shumë më tepër nëse do të mundnin, thjesht nuk munden”, tha ai.
Në fund, ai tha se bashkësia ndërkombëtare, përfshirë aleatët në Evropë dhe një pjesë të medias amerikane, duhet t’i shprehin mirënjohje ish-presidentit amerikan Donald Trump.
“Bota, Lindja e Mesme, aleatët tanë mosmirënjohës në Evropë, madje edhe pjesë të shtypit tonë, duhet t’i thonë një gjë Trumpit: faleminderit”, përfundoi Hegseth.
