Gjashtë persona kanë vdekur në një rrëzim helikopteri në Katar. Një person i shtatë është ende i zhdukur dhe kërkimet po vazhdojnë, njoftoi Ministria e Brendshme e vendit.
Informacioni zyrtar deri më tani nuk specifikon se kush ishin viktimat ose cili ishte misioni i saktë i helikopterit.Një hetim për shkakun e aksidentit është duke vazhduar.
Më parë, Ministria e Mbrojtjes e Katarit njoftoi se helikopteri u rrëzua në ujërat e saj për shkak të një “defekti teknik” gjatë një misioni rutinë.
