Agjencia e aviacionit të Kombeve të Bashkuara tha se sipas rregullave të reja, përdorimi i baterive portative në fluturime do të kufizohet në dy për pasagjer nga e premtja.
Linja ajrore si Lufthansa dhe vende si Koreja e Jugut kanë filluar të vendosin kufizime në përdorimin e “powerbank”-eve në avionë, pas incidenteve të tilla si zjarri në aeroplanin Air Busan në vitin 2025.Organizata Ndërkombëtare e Aviacionit Civil (ICAO) shtoi në një deklaratë se edhe karikimi i baterive portative gjatë fluturimeve do të ndalohet.
ICAO, një agjenci me seli në Montreal, zakonisht përcakton standardet e aviacionit që kryesisht ratifikohen nga 193 shtetet anëtare të OKB-së, por specifikimet e reja që lidhen me bateritë portative hyjnë në fuqi menjëherë, thekson Reuters.
