Një aeroplan transporti ushtarak rus u rrëzua të martën pasi fluturoi mbi gadishullin e aneksuar të Krimesë, duke vrarë të 29 pasagjerët në bord, njoftoi agjencia ruse e lajmeve TASS, duke cituar Ministrinë ruse të Mbrojtjes.
Kontakti me avionin, një An-26 (Antonov), u humb rreth orës 6 pasdite sipas orës së Moskës (3 pasdite GMT) të hënën, dhe hetuesit e Ministrisë së Mbrojtjes po punojnë në vendin e rrëzimit, sipas ministrisë.
Midis 29 të vdekurve ishin 23 pasagjerë dhe gjashtë anëtarë të ekuipazhit, tha ministria për TASS.
Ministria tha se nuk u gjetën shenja të një ndikimi të jashtëm në rrënojat e aeroplanit, duke shtuar se në këtë fazë të hetimit, shkaku kryesor i rrëzimit ishte një defekt teknik.
