NASA ka publikuar imazhet e para të shkrepura gjatë misionit Artemis II. Pamjet tregojnë Tokën të ndriçuar me ngjyra spektakolare blu dhe kafe, me shkëlqimin e gjelbër të aurorës që ndriçon atmosferën.
“Ne e shohim planetin tonë si një të tërë, të ndriçuar me nuanca spektakolare blu dhe kafe. Edhe aurora e gjelbër ndriçon atmosferën. Këta jemi ne, së bashku, ndërsa shikojmë astronautët tanë në rrugën e tyre drejt Hënës”, tha NASA.
Fotot u morën nga anija kozmike Orion dhe ofrojnë një pamje të Tokës që njerëzit nuk e kanë parë prej më shumë se 50 vjetësh.
Ekuipazhi i misionit Artemis II përbëhet nga katër astronautë: përveç komandantit
Reid Wiseman (50), janë edhe gruaja e parë
Christina Koch (46) dhe afrikano-amerikani i parë
Victor Glover (49) në udhëtimin rreth Hënës, si dhe
Jeremy Hansen (50), një astronaut i Agjencisë Hapësinore Kanadeze (CSA).
