Ministria e Industrisë, Ndërmarrësisë, Tregtisë dhe Inovacionit (MINTI) njofton sot se çmimet maksimale të lejuara për derivatet e naftës mbeten të njëjta sikur në ditën paraprake.
Për datën 6 prill, çmimet maksimale të lejuara janë: Nafta 1.86 euro për litër dhe benzina 1.49 euro për litër.
MINTI u bën thirrje operatorëve ekonomikë që të zbatojnë me përpikëri vendimin e marrë nga ministrja Mimoza Kusari-Lila, me qëllim garantimin e një tregu funksional, të qëndrueshëm dhe në shërbim të interesit të konsumatorit.
Sipas MINT, çdo shkelje e këtij vendimi do të trajtohet në përputhje me legjislacionin në fuqi.
