Ekipi për Gjurmimin e Personave me Fletarrest Vendor dhe Ndërkombëtar ga Policia e Kosovës, ka arrestuar një person të kërkuar për trafikim narkotikësh.
“Gjatë këtij operacioni është ndaluar një person i kërkuar me urdhër arrest ndërkombëtar nga shteti i Gjermanisë për vepra penale që ndërlidhen me trafikimin e narkotikëve. I dyshuari është identifikuar dhe ndaluar në përputhje me procedurat ligjore në fuqi. Gjatë legjitimimit, i njëjti ka paraqitur dokumente identifikimi të huaja me të dhëna që dyshohet se i përkasin një personi tjetër”, njofton Policia e Kosovës.
Me vendim të prokurorit, ndaj të dyshuarit është shqiptuar masa e ndalimit.
Lidhur me rastin është njoftuar prokurori kompetent nga Departamenti për Krime të Rënda.
