Ministri i Mbrojtjes, Ejup Maqedonci, ka pritur sot në takim Agjutantin e Përgjithshëm të Gardës Kombëtare të IOËA-s, gjeneralmajor Stephen Osborn.
Siç ka bërë të ditur Ministria e Mbrojtjes, në takim u theksua rëndësia e partneritetit të deritanishëm në kuadër të Programit të Partneritetit Shtetëror, si dhe u dakordua për zgjerimin e bashkëpunimit në fusha të ndryshme, përfshirë trajnimet, stërvitjet e përbashkëta dhe zhvillimin profesional të pjesëtarëve të Forcës së Sigurisë së Kosovës.
“Ministri falënderoi gjeneralin Osborn dhe Shtetet e Bashkuara të Amerikës për mbështetjen e vazhdueshme dhe të palëkundur ndaj Kosovës, si dhe për forcimin e ushtrisë sonë”, thuhet në njoftimin e Ministrisë së Mbrojtjes.
Sipas tyre, bashkëpunimi ndërmjet FSK-së dhe Gardës Kombëtare të IOËA-s mbetet një ndër shtyllat kryesore në ngritjen e kapaciteteve operacionale dhe të ndërveprueshmërisë me partnerët strategjik.
