Thursday, November 19, 2026
HomeLajmeKosovëBardhyl Hasanpapaj i bashkohet listës së Vjosa Osmanit

Bardhyl Hasanpapaj i bashkohet listës së Vjosa Osmanit

Profesor i Universitetit të Prishtinës, Bardhyl Hasanpapaj, i është bashkuar listës së Vjosa Osmani. Lajmin e ka bërë të ditur vetë ish presidentja Osmani përmes një postimi në rrjetet sociale, ku ka ndarë edhe kujtime nga njohja e tyre që nga koha e studimeve.

“Jam e lumtur që edhe sot kemi pranë njerëz si Bardhyl Hasanpapaj, që me dije, integritet dhe përkushtim i japin forcë vizionit tonë për të ardhmen”, ka shkruar Osmani.

Ajo ka kujtuar se bashkëpunimi i tyre nisi në vitin 2001, kur përfaqësonin Universitetin e Prishtinës në gara ndërkombëtare të drejtësisë.

Sipas Osmanit, Hasanpapaj ka kryer specializime në të Drejtën Evropiane dhe Ndërkombëtare në Universitetin e Bremenit në Gjermani, ndërsa studimet e doktoraturës i ka përfunduar në Universitetin e Firenzes në Itali. Ajo ka përmendur edhe angazhimin e tij profesional në projekte për organizata ndërkombëtare si BE, USAID, NDI, NCSC, IFC dhe EBRD.

“Përkundër të gjitha arritjeve, Bardhyli ka mbetur njeri i thjeshtë, mik i mirë dhe profesionist që nuk u largua kurrë nga dëshira për t’i dhënë Kosovës më shumë”, ka theksuar Osmani. 

https://www.facebook.com/plugins/post.php?href=https%3A%2F%2Fwww.facebook.com%2FVjosaOsmaniMP%2Fposts%2Fpfbid02Sphubbn5wAkBQf9JRcezReR8SteDrmEvDiC4u1DFVSYSa6xUoz8nXyouNQ5T5wxHl&show_text=true&width=500

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Instagram