Aktivistët e flotiljes “Sumud” për në Gaza dhe qytetarët që po i prisnin në aeroportin e qytetit të Bilbaos në veri të Spanjës u përleshën me oficerët e policisë.Katër persona u arrestuan në incident, dhe videot e postuara në rrjetet sociale tregojnë policinë lokale duke goditur aktivistët me shkopinj.
Sipas mediave spanjolle, një grup aktivistësh u mblodhën në aeroport për të mirëpritur anëtarët e flotiljes që u kthyen pasi u liruan nga paraburgimi në Izrael.
Mediat pretendojnë se përplasja ndodhi pasi aktivistët dhe mbështetësit e tyre refuzuan të largoheshin nga rruga me kërkesë të policisë.
Njerëzit që u mblodhën për të mirëpritur anëtarët e flotiljes u përfshinë gjithashtu në debate të ashpra me policinë.
Një anëtar i flotiljes tha se aktivistët ishin keqtrajtuar gjatë ndalimit dhe se ndërhyrja e policisë në aeroport prishi atë që duhej të kishte qenë një moment festimi pas kthimit të tyre.
