Kryeministri izraelit Benjamin Netanyahu u transportua në spitalin “Hadassah Ein Kerem” vonë mbrëmjen e sotme, njoftoi zyrtarisht zyra e tij.
Deklarata erdhi pasi media izraelite njoftoi publikun dhe raportoi për transferimin e tij emergjent në spital. Zyra pretendon se arsyeja e shtrimit në spital është trajtimi dentar.
Megjithatë, gjendja shëndetësore e udhëheqësit 76-vjeçar izraelit ka qenë nën vëzhgimin publik për një kohë të gjatë dhe ka shkaktuar polemika të shumta.
Shëndeti i Benjamin Netanyahut u bë një temë qendrore në Izrael muajin e kaluar, kur Netanyahu pranoi se kohët e fundit ishte trajtuar me sukses për kancerin e prostatës. Detajet e kësaj sëmundjeje të rëndë që Netanyahu i kishte mbajtur qëllimisht të fshehta nga publiku.
Kryeministri pretendoi se Irani do të përdorte informacionin në lidhje me shëndetin e tij të përkeqësuar për të përhapur propagandë kundër Izraelit në mes të luftës aktuale.
Ky është vetëm incidenti i fundit në një seri incidentesh mjekësore që i kanë ndodhur Netanyahut gjatë tre viteve të fundit dhe për të cilat ai përballet rregullisht me kritika të ashpra nga publiku për mungesë transparence.
