Sektori i Hetimeve të Kryeqytetit ka arrestuar tre persona të dyshuar për përfshirje në raste të vjedhjeve të rënda në Prishtinë.
“Puna e zyrtarëve policorë ka rezultuar me arrestimin e të dyshuarve:E.P., mashkull, 18 vjeç, shtetas i Republikës së Kosovës, E.H., mashkull, 26 vjeç, shtetas i Republikës së Kosovës, E.P., mashkull, 16 vjeç, shtetas i Republikës së Kosovës”,thuhet në njoftim.
Autoritetet kanë bërë të ditur se hetimet ndaj të dyshuarve kanë vazhduar edhe pas arrestimit, ndërsa në koordinim me Prokurorin e Shtetit është marrë vendim për ndalimin e tyre.
Rasti po vazhdon të hetohet nga organet kompetente.
