Ju sjellim një recetë për përgatitjen e një gjelle të shijshme me thjerrëza, patate dhe karrota.
Edhe ata që nuk janë gatues shumë të aftë do të jenë në gjendje ta përgatisin këtë recetë.
Për ta përgatitur atë, ju nevojiten ushqime relativisht të përballueshme që mund të gjenden në shumicën e frigoriferëve, shkruan Zapodzena.hr.
Kjo është receta perfekte kur doni të “heqni qafe” perimet që duhen përdorur urgjentisht.
Mund t’i shtoni edhe speca, spinaq të freskët, lulelakër, brokoli dhe përbërës të ngjashëm.
PËRBËRËSIT
400 g patate
400 ml pure domatesh
200 g thjerrëza të gjelbra të thata
3 karota
2 lugë gjelle paste domatesh (nëse dëshironi)
1 litër ujë
1 kub perimesh
1 qepë
2-3 thelpinj hudhër
1 lugë çaji përzierje erëzash mesdhetare
½ lugë çaji piper i kuq i tymosur
kripë dhe piper sipas shijes
vaj perimesh për skuqje
PËRGATITJA
Pastroni dhe pritini qepën dhe hudhrën në copa të vogla. Pritini karotat në copa më të vogla.
Skuqni qepën dhe karotat në një tenxhere të madhe në pak vaj perimesh derisa të zbuten.
Shtoni hudhrën dhe ziejini të gjitha së bashku për një gjysmë minute tjetër.
Shtoni pastën e domates dhe ziejini për rreth dy deri në tre minuta.
Hidheni sipër me lëng perimesh ose kub perimesh që e keni tretur në një litër ujë të zakonshëm.
Shtoni patatet e pastruara të prera në kube me madhësi rreth një centimetër në tenxhere.
Shtoni domatet e grira dhe thjerrëzat e thata.
Sezoni gjithçka me përzierjen mesdhetare, piper të kuq të tymosur, kripë dhe piper.
Mbulojeni tenxheren dhe lëreni gjellën të gatuhet në temperaturë të ulët për rreth 40 minuta, ose derisa thjerrëzat të jenë gatuar plotësisht.
Shijojeni!
