Keir Starmer jep dorëheqjen si kryeministër dhe udhëheqës i Partisë Laburiste
Në një deklaratë pranë 10 Downing Street ku Starmer shpalli dorëheqjen si kryeministër, tha se çdo vendim që ka marrë në detyrë ka qenë në interes të vendit. Starmer njoftoi se kishte folur me Mbretin këtë mëngjes për ta informuar për vendimin e tij për të dhënë dorëheqjen. Ai i ka kërkuar Komitetit Ekzekutiv Kombëtar të Partisë Laburiste të përcaktojë një orar me hapjen e nominimeve për udhëheqjen më 9 korrik dhe të përfundojnë pas pushimeve verore. Kjo do të thotë se një udhëheqës i ri do të jetë në zyrë përpara se parlamenti të kthehet në shtator. Por, deri atëherë ai do të mbetet në postin e kryeministrit, thotë ai.
Ndërkohë Andy Burnham i cili mund të zëvendësojë kryeministrin do të jetë sot në Westminster për t’u betuar si deputet për Makerfield, pasi fitoi zgjedhjet e pjesshme javën e kaluar. Shumë njerëz brenda Partisë Laburiste parashikojnë se Burnham do të ishte kandidati i vetëm për ta zëvendësuar Starmer-in. Keir Starmer tha se do të bëjë gjithçka që mundet për të siguruar një dorëzim të rregullt të pushtetit dhe do t’i japë pasardhësit të tij mbështetjen e tij të plotë. Ai shtoi se ata e dinë, vazhdon ai, se po trashëgojnë një Britani që është më e fortë dhe më e drejtë se dy vjet më parë. Më pas Starmer falënderon miqtë dhe kolegët e tij që kanë qenë pranë tij për gjashtë vjet, si dhe stafin nr. 10 dhe “shërbimin civil të jashtëzakonshëm”. Si udhëheqës i partisë shumicë në Parlament, Starmer u emërua kryeministër, Lord i Parë i Thesarit dhe Ministër i Shërbimit Civil nga Mbreti Charles III më 5 korrik 2024, duke u bërë kryeministri i parë laburist që nga Gordon Brown në vitin 2010, dhe i pari që fitoi zgjedhjet e përgjithshme që nga Tony Blair në vitin 2005.
