Sipas raportit të Middle East Eye, marrëveshja do të nënshkruhet të mërkurën dhe do të përcaktojë që të dy vendet do të mbështesin njëra-tjetrën në të gjitha çështjet e mbrojtjes, duke përfshirë bashkëpunimin midis industrive të tyre të mbrojtjes, luftën kundër terrorizmit, kërcënimet hibride dhe sigurinë kibernetike.
Turqia dhe Mbretëria e Bashkuar pritet të nënshkruajnë një marrëveshje sigurie dhe mbrojtjeje të mërkurën. Sipas burimeve të shumta të njohura me marrëveshjen dhe që kanë folur për Middle East Eye, marrëveshja do t’i angazhojë të dyja palët për një bashkëpunim më të ngushtë në sektorin e mbrojtjes.
Siç raportojnë të njëjtat burime, teksti përcakton që të dy vendet do të mbështesin njëra-tjetrën në të gjitha çështjet e mbrojtjes , duke përfshirë bashkëpunimin midis industrive të tyre të mbrojtjes , luftën kundër terrorizmit , kërcënimeve hibride dhe sigurinë kibernetike .
Zyrtarët i thanë Middle East Eye se ishte një
marrëveshje “e plotë”, por nuk dhanë detaje të mëtejshme mbi shkallën e angazhimeve të ndërsjella të mbrojtjes.
Marrëveshja pritet të nënshkruhet gjatë takimit të Rexhep Tajip Erdogan me kryeministrin britanik Keir Starmer të mërkurën.
Një burim i njohur me përmbajtjen e dokumentit tha se marrëveshja është “në të njëjtën linjë” me marrëveshjen dypalëshe të mbrojtjes të nënshkruar nga Franca dhe Greqia në vitin 2021. Siç raportohet nga Middle East Eye, marrëveshja Greqi-Francë përfshin një klauzolë mbi ndihmën e ndërsjellë në mbrojtje. Megjithatë, burimet nuk pranuan të sqaronin nëse dokumenti Turqi-Mbretëri e Bashkuar përfshin një dispozitë përkatëse.
Ankaraja dhe Downing Street nuk pritet ta bëjnë publik tekstin e marrëveshjes, gjë që, sipas të njëjtave burime, nënvizon ndjeshmërinë e parashikimeve të saj.
Në prill, Turqia dhe Mbretëria e Bashkuar nënshkruan një Kornizë Partneriteti Strategjik, që synon të “forcojë dialogun dhe bashkëpunimin midis dy vendeve si aleatë të NATO-s dhe partnerë strategjikë”.
Marrëdhëniet midis Ankarasë dhe Londrës janë forcuar pas vendimit të Turqisë korrikun e kaluar për të vazhduar me blerjen e avionëve luftarakë Eurofighter Typhoon si pjesë e një marrëveshjeje shumëmiliardë dollarëshe.
