Policia e Kosovës ka njoftuar se është duke hetuar një rast të cilësuar si “Asgjësim apo dëmtim i pasurisë së huaj”, i raportuar në Kompleksin Memorial “Zahir Pajaziti” në Orllan të Podujevës.
Sipas raportit 24-orësh të Policisë, pas pranimit të informatës, njësitet policore kanë dalë në vendin e ngjarjes, ku në objektin përcjellës (kullë) kanë vërejtur disa dëmtime në tavan dhe në korridorin e objektit.
“Kompleksi Memorial-Zahir Pajaziti, Orllan Podujevë 30.05.2026-30.06.2026. Njësitet policore, pas pranimit të informatës, lidhur me rastin kanë dalë në vendin e ngjarjes dhe në objektin përcjellës-në kullë ka vërejtur disa dëmtime nëpër tavan dhe në korridorin e objektit”, thuhet në raport.
Lidhur me rastin është njoftuar prokurori, ndërsa njësitet policore janë duke zhvilluar hetimet për zbardhjen e rrethanave të rastit.
