Ushtruesja e detyrës së Presidentes së Kosovës, Albulena Haxhiu, ka pritur në takim lamtumirës Ambasadorin e Zvicrës në Kosovë, Jürg Sprecher.
Haxhiu ka bërë të ditur se e ka falënderuar ambasadorin për bashkëpunimin gjatë mandatit të tij dhe për angazhimin në forcimin e marrëdhënieve ndërmjet dy vendeve.
“Kosova dhe Zvicra kanë lidhje të thella, të ndërtuara edhe nga breza të bashkatdhetarëve tanë që Zvicrën e kanë bërë shtëpinë e tyre të dytë”, ka thënë Haxhiu.
Ajo i ka uruar ambasadorit Sprecher suksese në angazhimet e ardhshme, me mirënjohje për kontributin dhe miqësinë e tij ndaj Kosovës.
