Ramush Haradinaj ka kujtuar shtatëvjetorin e dorëheqjes së tij nga posti i kryeministrit, duke theksuar se vendimi i atëhershëm ishte marrë për të mbrojtur dinjitetin e shtetit.
Në një postim në rrjetet sociale, Haradinaj ka rikujtuar se kishte dhënë dorëheqje për herë të dytë nga posti i kryeministrit, pasi ishte ftuar nga Dhomat e Specializuara në Hagë.
“Atëherë deklarova se nuk shkoj të paraqitem për t’u marrë në pyetje nga Dhomat e Specializuara në Hagë si kryetar qeverie, por si qytetar, dhe se Kosovës po i bëhej presion i padrejtë për çmimin e njohjes nga Serbia, ndërsa ndarja dhe ‘Dodik Republika’ për Kosovën janë të papranueshme”, ka shkruar Haradinaj.
Ai ka shtuar se qëndrimi i tij i asaj kohe mbetet i pandryshuar.
“Qëndrimi im atëherë ishte i qartë dhe i palëkundur. Ai mbetet i njëjtë edhe sot”, ka theksuar Haradinaj.
