George dhe Amal Clooney janë midis më shumë se 220,000 njerëzve të evakuuar për shkak të zjarreve në Francë.
Çifti, 64 dhe 48 vjeç, së bashku me binjakët e tyre 9-vjeçarë, Alexander dhe Ella, u detyruan të largoheshin nga banesa e tyre në Brignoles, në departamentin Provence-Alpes-Côte d’Azur , një nga rajonet e prekura nga flakët.Në një letër dërguar kryetarit të bashkisë së Brignoles, të zbuluar nga People.com,
Clooney shpreh ngushëllimet dhe solidaritetin e tij me qytetin, i cili u godit nga zjarri dje, por ku situata u vu nën kontroll falë ndërhyrjes së zjarrfikësve gjatë natës. Clooney gjithashtu thotë se është gati të ndihmojë në çdo mënyrë që mundet. “I dashur Didier,” shkroi ylli në kohën e evakuimit, “në këtë pikë nuk kemi asnjë ide nëse shtëpia jonë e bukur do t’i mbijetojë kësaj kohe të tmerrshme. Ndërsa po largohemi nga Brignoles, duam të theksojmë dy gjëra: së pari, shpresojmë që të gjithë ju, së bashku me banorët e qytetit tonë, të jeni të sigurt; së dyti,
unë dhe Amal jemi të përkushtuar të sigurohemi që, çfarëdo që të ndodhë, ne do të mbetemi pjesë e këtij komuniteti dhe do të ndihmojmë në rindërtimin e tij.” Dhe përsëri: ”
Ne e duam Brignoles dhe miqtë që jetojnë atje ,” vazhdon letra. Këto fjalë u shkruan para se situata të vihej nën kontroll. Zjarri i dhunshëm që shpërtheu dje në Brignoles, në fakt, u vu nën kontroll falë ndërhyrjes së zjarrfikësve gjatë natës. Flakët përpinë 130 hektarë tokë, duke detyruar evakuimin e më shumë se 600 njerëzve, përfshirë Clooney-n dhe familjen e tij.
