Policia e Kosovës është duke e trajtuar një rast të zhdukjes së dy personave, pasi një grua ka raportuar se vajza dhe djali i saj janë larguar nga shtëpia dhe nuk dihet vendndodhja e tyre.
Sipas raportit policor, ankuesja e ka njoftuar Policinë më 2 gusht 2026, duke bërë të ditur se dy fëmijët e saj ishin larguar nga shtëpia, ndërsa rasti lidhet me ngjarjen e datës 30 korrik 2026, rreth orës 19:00, në Prizren.
“Pas verifikimit dhe sipas deklarimit të ankueses personat në fjalë janë recidivist të veprës së njëjtë pasi që edhe herë të tjera janë larguar nga shtëpia”, thuhet në raport .
Lidhur me rastin është njoftuar prokurori kompetent, ndërsa hetimet po vazhdojnë nga njësitet relevante të Policisë së Kosovës.
