Vala e madhe e ë të nxehtit që nga fillimi i verës, nuk ndal por pret dhe nje tjeter. Për shkak të kësaj, kondicionerët, nuk fiken, ndërsa nga ana tjetër, energjia elektrike “rrjedh” si një lumë, kështu që faturat e verës janë pothuajse të njëjta me ato gjatë periudhës së dimrit.
Dhe si mund ta kurseni vërtet energjinë elektrike gjatë kësaj vape djallëzore, kur kondicionerët punojnë 24 orë në ditë?
Je në apartamentin tënd gjithë ditën, por duhet të shkosh në dyqan për një kohë të shkurtër dhe ndoshta nuk e fik kondicionerin për një periudhë kaq të shkurtër kohore. Besoj se kështu veprojnë shumica e qytetarëve. Megjithatë, kjo praktikë e zakonshme e kursimit në fakt konsumon më shumë energji elektrike.
Ky fakt shpjegohet me faktin se kur fiket dhe rindizet kompresori i kondicionerit, konsumi i energjisë është disa herë më i lartë se mënyra normale e funksionimit.
Kjo do të thotë që aktivizimi i përsëritur do të ketë një efekt stresues në kompresor, kështu që përveçse tërheq më shumë energji elektrike, shkurton jetëgjatësinë e punës së kësaj pjese jetësore të kondicionerit. Prandaj, para se të dilni, rrisni pak temperaturën me 2-3 gradë Celsius dhe pasi ta ktheni, kthejeni atë në vlerën e vjetër.
Është e rëndësishme të konfiguroni saktë mënyrën e fryrjes së kondicionerit, sepse, në përgjithësi, ajri i ftohtë zbret më poshtë dhe ajri i ngrohtë ngrihet në pjesët më të larta të dhomës ku po qëndroni. Kjo do të thotë që duhet ta konfiguroni kondicionerin të fryjë lart, sepse në këtë mënyrë ajri i ftohtë do të qarkullojë nga lart poshtë dhe do të arrijë në të gjitha pjesët e dhomës, dhe atëherë efekti i ftohjes është maksimal. Në këtë mënyrë, e përdorni energjinë e përdorur në mënyrë më efikase, dhe fatura e energjisë elektrike është gjithashtu më e ulët.
