Kryetarja e Kuvendit të Kosovës dhe ushtruesja e detyrës së Presidentes, Albulena Haxhiu, ka marrë pjesë në ceremoninë hapëse të edicionit të 16-të të “Green Fest” në Mitrovicë.
“Sonte ishim bashkë në Green Fest, në një qytet që, siç theksova në fjalën time, përveç qyteti i minatorëve, Mitrovica ka qenë qytet i pikëtakimeve, i punës, dijes, kulturës dhe muzikës. Këtë traditë e vazhdon edhe Green Fest, i cili prej gjashtëmbëdhjetë vitesh e bënë bashkë muzikën, artin, të rinjtë dhe bisedën për mjedisin e për qytetin”, ka shkruar ajo në facebook.
Haxhiu më tej ka uruar që qyteti i Mitrovicës të bëhet qyteti që bashkon dhe krijon, dhe që dalëngadalë të njihet më shumë për gjërat që i bëjnë njerëzit bashkë sesa për ato që i ndajnë.
