Deputetë të PDK-së dhe Aleancës kanë mbajtur fjalime në sallën e Kuvendit, duke kërkuar që të vazhdojë seanca konstituive. Ata i bënë thirrje kryetarit të VV-së, Albin Kurti, që ta kthejë procesin në binarët kushtetues dhe ta konstituojë Kuvendin e Kosovës.
(E plotësuar) Dy partitë, Partia Demokratike e Kosovës dhe Aleanca, sot në Kuvendin e Kosovës kanë mbajtur fjalime në seancën e Kuvendit. Pas mbajtjes së fjalimeve, deputetët kanë dalë nga salla.
(E plotësuar) Kryetari i Partisë Demokratike të Kosovës, Bedri Hamza, sot nga salla e Kuvendit të Kosovës ka adresuar kritika ndaj Haxhiut, Kurtit dhe Deharit për, siç tha ai, afatet kushtetuese, të cilat nuk është dashur të kalohen.
Deputeti i Aleancës, Burim Ramadani, sot nga salla e Kuvendit të Kosovës tha se nuk ka kontestim të fitores së qershorit për Vetëvendosjen, nuk ka kontestim të konstituimit të Kuvendit dhe as të krijimit të qeverisë.
Deputetët e PDK-së dhe Aleancës në sallën e Kuvendit
Deputetët e Partisë Demokratike të Kosovës (PDK) dhe Aleancës, ashtu siç kanë paralajmëruar dje, sot jan ulur në sallën e seancave plenare.
