BE-ja synon të zgjerojë ndjeshëm sanksionet kundër Rusisë në muajt e ardhshëm, tha për gazetën gjermane Përfaqësuesja e Lartë e BE-së për Politikën e Jashtme dhe të Sigurisë, Kaja Kallas .
“Sanksionet e BE-së i kanë kushtuar shtrenjtë Rusisë, duke ia privuar makinës së saj të luftës më shumë se një trilion euro, dhe për vjeshtën propozoj sanksionet më të gjera dhe shtimin e individëve dhe subjekteve të reja në listën e atyre që janë sanksionuar që nga fillimi i luftës”, i tha ajo të përditshmes gjermane Die Welt.
“Pasi të miratohen, ato menjëherë do ta rrisin numrin total të subjekteve ruse të sanksionuara me një të tretën. Presioni duhet të vazhdojë të rritet derisa Moska t’i japë fund luftës.”
Kallas nuk dha detaje shtesë mbi kohën e prezantimit ose përmbajtjen e paketës së re të sanksioneve.
Në korrik, BE miratoi paketën e saj të fundit të sanksioneve kundër Rusisë për shkak të luftës në Ukrainë, duke vendosur kufizime në sektorin bankar dhe rrjetet që lidhen me kriptovalutat.
