Grupi Parlamentar i PDK-së, së bashku me anëtarë të Kryesisë, asamblistë, drejtorë dhe aktivistë nga Skenderaj dhe Istogu, si dhe përfaqësues të Aleancës, qëndruan sot para objektit të Qeverisë së Kosovës.
PDK-ja dhe Aleanca kanë bërë thirrje, siç vlerësojnë ato për rikthimin e normalitetit institucional dhe kanë deklaruar se do të vazhdojnë të kërkojnë mbrojtjen e shtetit, Kushtetutës dhe interesit të qytetarëve.
Deputetët e PDK-së dhe Aleancës kanë zhvilluar edhe në javët e kaluara aksione të ngjashme, duke bllokuar hyrjen në objektin e Qeverisë dhe duke kërkuar tejkalimin e ngërçit institucional.
