Ministria e Industrisë, Ndërmarrësisë, Tregtisë dhe Inovacionit (MINT) ka përcaktuar çmimet maksimale të lejuara për shitjen e derivateve të naftës në Kosovë për ditën e sotme.
Sipas vendimit të MINT-it, çmimi maksimal për një litër naftë (dizel) është 1.69 euro, ndërsa benzina do të shitet me çmim maksimal prej 1.54 euro për litër.
Ndërkohë, çmimi maksimal i lejuar për gazin është përcaktuar në 0.63 euro për litër.
Këto çmime hyjnë në fuqi nga ora 10:00 dhe vlejnë gjatë gjithë ditës së sotme.
